अंबोळ्या (तांदळाचे घावन)
साहित्य:
तांदुळाळाची पिठी- १ वाटी (पीठ रवाळ असावे, फार बारीक दळू नये )
आंबट ताक- एक वाटी
पाणी- पीठ सरसरीत होईल इतपत अंदाजे 2 वाट्या
लसुण पाकळ्या - ३ ते ४
जीरे- १ चमचा
हिरव्या मिरच्या- २
मीठ चवीनुसार
तेल- आवश्यकतेनुसार
कृती:
मिरच्या, लसुण आणि जीरे खडबडीत वाटून घ्यावी. फार तिखट आवडत नसेल तर मिरची न वाटता त्याचे छोटे छोटे तुकडे करून घ्यावेत. म्हणजे सहज बाजूला काढता येतील.
पीठ, लसून-मिरचीचा ठेचा, ताक, जरुरीनुसार पाणी आणि मीठ एकत्र करून छान ढवळून घ्यावे.
सर्व गुठळ्या मोडून काढाव्यात.
नॉन-स्टीक डोसा तवा गरम करून त्यावर थोडेसे तेल पसरून घ्यावे. पळीभर मिश्रण घेऊन तव्याच्या कडेपासून मध्यापर्यंत ओतावे.
झाकण ठेऊन २-३ मिनिटे शिजवावे. नंतर उलटून पुन्हा २-३ मिनिटे भाजावे.
गरम गरम टोमाटो केचप सोबत वाढावे अथवा नुसतेच खावे.
No comments:
Post a Comment