सुरळीच्या वड्या
साहित्य : १ वाटी चणा डाळीचे पीठ (बेसन),१ वाटी आंबट ताक,१ वाटी पाणी,चवीसाठी
मीठ व लाल तिखट,थोडी हळद,फोडणीसाठी तेल,हिंग व मोहरी व वरुन सजावटीसाठी नारळाचा चव (खोवलेला नारळ),बारीक चिरलेली कोथिंबीर
कृती : प्रथम एका पातेल्यात बेसन,आंबट ताक व पाणी एकत्र करून ढवळून घ्यावे व पातेले गॅसवर ठेवावे त्यात
थोडी हळद व चवीनुसार मीठ व लाल तिखट घालून शिजवून घ्यावे.
शिजत असताना एकसारखे (न थांबता) ढवळत रहावे व गुठळी होऊ देऊ नये.मिश्रण चांगले शिजले
की गरम असतानाच एका स्टीलच्या थाळ्याला मागील बाजूस तेलाचे हलके बोट फिरवून
त्यावर तेलाच्या हातानेच पातळ पसरावे व
थंड होऊ द्यावे.
गार झाल्यावर त्याची गुंडाळून सुरळी करून
त्याचे ३/४” मापाचे कापून तुकडे करून एका पसरट ताटात किंवा डिशमध्ये काढून घ्या व
त्यावर फोडणी, नारळाचा चव व बारीक चिरलेली कोथिंबीर घाला
व एका छोट्या बशीतू अगर बाऊल मधून सर्व्ह करा.
No comments:
Post a Comment