मटाराच्या
करंज्या
साहित्य : मटार २
वाट्या,आले,लसूण,जीरेपूड,धनेपूड,हिरव्या मिरच्या,मीठ,खवलेला
ओल्या नारळाचा चव,फोडणीचे साहित्य हळद,हिंग,मोहोरी,जिरे,तळणीसाठी तेल,पारीसाठी कणीक व थोडासा बारीक रवा.
कृती : प्रथम प्रेशर कुकरमधून मटार तीन शिट्या देऊम शिजवून घ्या. शिजवलेला
मटार कुकरमधून काढल्यावर त्यात आले,लसूण,हिरव्यामिरच्या,कोथिंबीर,जिरे-धनेपूड ,ओल्या खोबर्याचा चव व मीठ घालून वाटलेला
मसाला चांगला कुस्करून व मिसळून घ्या.वर खमंग तेलाची फोडणी घाला व एकदा कढईत घालून
परतून घ्या. हे झाले कराजीचे सारण. आता पारीसाठी कणीक घेऊन त्यात मीठ, बारीक रवा व कडकडीत तेलाचे मोहन घालून कोरडे मिसळून घ्या.नंतर हवे तसे
थोडे थोडे पाणी घालत घट्टसर कणीक चांगली मळून झाकून ठेवा. अर्ध्या तासाने त्याचे
बारीक घोळे करून घेऊन पातळ पुर्या लाटा व
त्यात मटाराचे आधी त्तयार करून ठेवलेले सारण भरून करंजी करून घ्या. गॅसवर एका कढईत
पुर्या तळण्यासाठी तेल तापत ठेवा.तेल चांगले कडकडीत तापल्यावर त्यात एका वेळी ४-५
करंज्या टाकून दोन्ही बाजूंनी सोनेरी रंगावर तळून घ्या व एका चाळणीत बटर पेपर
घालून त्यावर काढून घ्या.
डिशमधून गरम गराम
करंज्या चटणीबरोबर सर्व्ह करा.
No comments:
Post a Comment