कांदा मेथी
साहित्य : एक टेबलस्पून मेथीचे
दाणे,अर्धी जुड्डी स्वच्छ धुवून,निवडून व
चिरलेली मेथी, ४-५ मध्यम आकाराचे कांदे,एक टेबलस्पून तेल,एक चमचा मोहरी,अर्धा चमचा जिरे,अर्धा चमचा हळद,चिमूटभर हिंग,चिमूटभर साखर,
अर्धा चमचा गारा मसाला,चवीनुसार तिखट आणि मीठ.
कृती : एका बाउलमध्ये मेथीचे दाणे त्यावर पेरभर पाणी
घालून रात्रभर भिजत घालून ठेवावेत.
दुसरे दिवशी सकाळी गॅसवर एका पॅनमध्ये फोडणीसाठी तेल गरम करून घेऊन तेल चांगले
तापल्यावर त्यात जिरे,मोहरी टाका व
दोन्ही चांगली तडतडली की अर्धा मिनिट
परतून घेऊन मग त्यात हळद,हिंग,गरम
मसाला व लाल तिखट घालून परतावे,नंतर चिरलेला कांदा घालून
लालसर होईपर्यंत परतून घेऊन मग भिजत घातलेले मेथीचे दाणे व चिरलेली मेथी घालून मेथीचे
दाणे लालसर रंगावर परतून घ्यावेत व मग त्यात चिमूटभर साखर घालून भाजी वाफेवर शिजू द्यावी.
शेवटी भाजीत चवीनुसार मीठ व थोडेसे पाणी घालून एक उकळी काढून गॅस बंद करा.
No comments:
Post a Comment