भेंडीचा चटकदार चटका
साहित्य : ७-८ ताज्या
कोवळ्या भेंड्या,अर्धी वाटी मलईचे दही, चवीनुसार
लाल तिखट,मीठ,चाट मसाला,जिरे-धने पूड,सैंधव
मीठ,पादेलोण,चमचाभर तीळ व शेंगदाण्याचे कूट आणि तेल.
कृती : ताज्या कोवळ्या भेंड्यांच्या
पातळ चकत्या / काप चिरून घ्या. एका पसरट बाऊलमध्ये मलईचे दही घेऊन त्यात चवीनुसार लाल
मिरचीचे तिखट ,मीठ, चाट मसाला,जिरे-धने पूड,सैंधव मीठ,पादेलोण घालून मिक्स करा. आता त्यात भेंडीचे काप घालून त्याला सगळीकडून ते
मसाला दही लावून मुरत ठेवा व नंतर २-३ दिवस कडक उन्हात वाळवा.
चांगले वाळले की गॅसवर एका
कढल्यात तेलाची फोडणी करून त्यात हे वाळलेले भेंडीचे मसाला दह्यात मॅरिनेट करौन वाळवलेले
काप घाला. त्यात आता तीळ आणि शेंडाण्याचे कूट व चविसाठी साखर घाऊन शॅलो फ्राय करा.
छान कुरकुरीत चटका झाला की गॅस बंद करा.
तोंडीलावणे म्हणून हा भेंडीचा
चटकदार चटका खूपच छान लागतो.
No comments:
Post a Comment