प्रसादाचा झुणका (गजानन महाराजांच्या प्रकट दिना साठी खास केला जाणारा)

प्रसादाचा झुणका

(गजानन महाराजांच्या प्रकट दिना साठी खास केला जाणारा)

साहित्य : दोन वाट्या  बेसन (चणा डाळीचे पीठ) , अर्धी वाटी शेंगाण्याचे तेल , ८-१० कढीपत्त्याची पाने,चवीनुसार मीठ

आवडीनुसार लाल मिरचीचे तिखट,फोडणी साठी एक चमचा मोहरी,एक छोटा चमचा हिंग, अर्धा चमचा हळद,अर्धी मूठ बारीक चिरलेली कोथिंबीर आणि अर्धी वाटी पाणी.

कृती :  प्रथम गॅसवर एका कढईत तेल घालून ते छान गरम झाल्यावर त्यात मोहरी घाला. ती तडतडल्यानंतर त्यात हिंग हळद घाला नंतर कढीपत्त्याची पाने  घाला . आता त्यात बेसनाचे पीठ  घालून चांगले खमंग परतुन घ्या. नंतर त्यात आवडीनुसार लाल मिरचीचे तिखट व चवीनुसार मीठ घालून थोडे परता . शेवटी  त्यावर पाण्याचा हबका मारून बारीक चिरलेली कोथिंबीर घाला आणि कढईवर झाकण ठेवून  चांगली वाफ आणा आणि भाकरी बरोबर हा गजानन महाराजांचा प्रसाद सर्व्ह करा.