चटकदार डांगर
साहित्य : दोन वाट्या तांदूळ,एक वाटी उडदाची डाळ,अर्धी वाटी चणा (हरभरा) डाळ,अर्धी वाटी धने,दोन चमचे जिरे,८ – १० सुक्या लाल मिरच्या, चवीनुसार मीठ व छोटा चमचा हळद व हिंग.
कृती : प्रथम गॅसवर एका कढईत तांदूळ,उडदाची डाळ,चणा डाळ ,धने व जिरे स्वतंत्रपणे खरपूस भानून घ्या,थोड्या तेलावर सुक्या लाल मिरच्याही भाजून घ्या व हे सर्व भाजकलेले पदार्थ हळद,हिंग व मीठ घालून मिक्सरमधून बारीक दळून घेऊन थंड झाल्यावर चाळून घ्यावे व एका घट्ट झाकणाच्या काचेच्या बरणीत अथवा स्टीलच्या डब्यात भरून ठेवा.
डांगर करावयाची कृती : जेवतांना चटणीसारखे एक तोंडी लावणे म्हणून डांगर करतांना प्रथम एक मोठ्ठा कांदा बारीक चिरून घ्यावा. कोथिंबीरही धुवून बारीक चिरून घ्यावी. एका बाउलमध्ये दोन - ३ मोठे चमचे वर तयार करून ठेवलेले डांगराचे पीठ घेऊन त्यात मावेल तेव्हढे आंबट ताक चिरलेला कांदा,कोथिंबीर घालून छान कालवून एकजीव झाल्यावर १५ मिनिटे थोडे मुरू द्यावे ,चव बघून हवे असल्यास मीठ,तिखट,साखर घालून वर कडकडीत तेलात हळद,हिंग,मोहोरी,जिरे घालून फोडणी करून ती घालून मिसळावे.
मुगाच्या गरगरम खिचडीसोबत तोंडीलावणे म्हणून हे चटकदार डांगर फार छान लागते.
No comments:
Post a Comment