नाचणीच्या पिठाची तिखट उकड

#नाचणीच्या पिठाची तिखट #उकड

साहित्य : दोन वाट्या नाचणीचं पीठ, हळद, दोन वाट्या आंबट ताक, पाणी, ५-६ लसूण पाकळ्या , दोन हिरव्या मिरचयांचे तुकडे, ६-७ कढी पत्याची पाने, चिमूटभर हिंग, एक छोटा चमचा हळद, एक छोटा चमचा मोहरी, दोन टेबलस्पून तेल आणि चवीनुसार मीठ.

कृती : आंबट ताकात नाचणीचे पीठ आणि चवीनुसार मीठ घालून मिक्स करून त्याचं दाटसर मिश्रण करून घ्यावं. नंतर गॅसवर एका कढईत फोडणीसाठी तेल गरम करून घ्या व त्या गरम तेलात हिंग,हळद , मोहरी, लसणीच्या पाकळ्या, कढी पत्ता आणि मिरचीचे तुकडे टाकून २-३ मिनिटे परतून घेऊन मग त्यात नाचणीचे पिठाचं ताकात कालवलेले मिश्रण ओतावं. ते शिजत असताना एकसारखं ढवळून त्याच्या गुठळ्या फोडाव्या. नंतर झाकण ठेवून ते शिजवून घ्यावं. ही उकड गरमच खावी. आवडीप्रमाणे ही उकड घट्ट किंवा पातळ करता येते.