सकाळचा नाश्ता : गवार,बटाटा,मेथी,पालक,शेवग्याची पाने,केणाची पाने ,रताळ्याची पाने व शेपू या मिश्र भाज्यांचे पौष्टिक पराठे
साहित्य : गवार,बटाटा,मेथी,पालक,शेवग्याची पाने,केणाची पाने ,रताळ्याची पाने व शेपू या भाज्या,कणिक,बेसन पीठ,तेल ,मिरच्या,मीठ,साखर,हळद,हिंग,आलं-लसूण पेस्ट,धने-जिरे पावडर,तीळ
कृती : आपला नेहमीचा मिक्सर ताकाचा जार घ्या , त्याला आतिल बाजूने तेल लावा आणि जार मध्ये थोडेसे तेल घाला म्हणजे कणिक जारला आतून चिकटत नाही.
मग त्या जार मध्ये अर्धा जार भरेल एवढी कणिक (गव्हाचं पीठ) घाला.दोन चमचे बेसन पीठ घाला. गवार-बटाटा भाजी घाला, आलं लसूण पेस्ट, मीठ, धना जीरा पावडर, मिरची पावडर किंवा हिरव्या मिरचीचे तुकडे आणि बारिक चिरलेली केणा ,पालक,मेथी, शेपू या पालेभाज्यांची पाने (इतर पालेभाज्या उदा. मायाळू,हादगा,मुळे ,मोहरी यांचीही बारीक चिरलेली पाने घातली तरी चालतील) , रताळ्यांची पाने , शेवग्याची पाने व सोबत कढीपत्ता आणि कोथिंबीर यांचीही पाने बारीक चिरून टाका, वरून थोडे तीळ टाका.
आता अगदी थोडे थोडे पाणी घालत whipping mode वर मिक्सर फिरवत पांच-सहा मिनिटे पीठ मिक्स करायचे, सुरेख मऊ असे पीठ मळून तयार होते.
आता मिक्सरमधून पिठाचा गोळा बाहेर परतीत किवा तसरळ्यांत काढून घ्या व तेलाचा हात लावून परत मळून घ्या. पण पाणी अगदी थोडे थोडे घालायचे.
पीठ दहा मिनिटे मुरल्यावर लिंबा एव्हढे उंडे करून पोळपाटावर पराठे लाटून घ्या.
दुसरीकडे गॅसवर तवा तापत ठेवा. तवा चांगला तापला की त्यावर पराठे दोन्ही बाजूंनी खरपूस भाजून काढा.
नाश्ता म्हणून खाराची मिरची,लोणचे ,लोणी किंवा दह्या सोबत खुसखुशीत , आरोग्यदायी आणि पौष्टिक पराठे सर्व्ह करा.
टीप : शेवटी मिक्सर च्या भांड्यात पाणी आणि भांडी धुण्याचा द्रवरूप साबण घालून एकदा फिरवून घ्यायचे म्हणजे मिक्सर परत चकाचक...
No comments:
Post a Comment