बटाटयांचं भुजणं
हे भुजणं बनवण्यासाठी किती लोकांसाठी हे भुजणं बनवायचे आहे तीचा अंदाज घेऊन त्यानुसार बटाटे घ्या. लांबट आकाराचे बटाटे निवडून त्यांची सालं काढून गोल चकत्या कापून पाण्यात ठेवून द्या.
एका बाऊलमध्ये उभा चिरलेला कांदा, बारीक ठेचलेलं आलं लसूण, तिखट, हळद, भरपूर चिरलेली कोथिंबीर, चवीनुसार मीठ घाला. सर्वात शेवटी भरपूर तेल. हे सगळे मिक्स करायचे. यात मग बटाट्याच्या चकत्या घालायच्या. हलक्या हाताने हे परत मिक्स करायचे. सगळा ओला मसाला चकत्यांना लागायला हवा.
मग दहा मिनिटे हे मुरण्यासाठी झाकून ठेवा.
नंत गॕसवर कढई ठेवा. कढई गरम झाली की हे मिश्रण घाला. ( मिश्रणात तेल असतेच. त्यामुळे फोडणीची गरज नसते.) दोन तीन मिनिटे मध्यम आचेवर परता. मग साधारण बटाट्याच्या चकत्या बुडतील इतके दूध घाला व झाकण ठेवा. दहा ते बारा मिनिटे शिजू द्या. बहुतेक सगळे दूध आटून जाईल.
भुजणं झालं तयार!
वर नारळाचा चव व कोथिंबीर वरून घाला.
चपाती वा भाता सोबत याचा आस्वाद घ्या!
No comments:
Post a Comment