बाजारात मिळणाऱ्या कोणत्याही विकतच्या महागड्या ब्रॅन्डेड पौष्टिक पदार्थांपेक्षा अत्यंत स्वस्त व घरीच बनवता येणार्या वड्या
गूळ-पापडीच्या वड्या
साहित्य : दोन वाट्या कणीक (गव्हाचे पीठ) ,एक वाटी जाड पोहे. एक वाटीभर साजूक तूप , एक वाटीभर किसलेला गूळ,प्रत्येकी एक छोटा चमचा विलायची व जायफळ यांची पूड, काजू व बदाम यांचे काप
कृती : प्रथम गॅसवर एका कढईत साजूक तूप गरम करून घेऊन त्या गरम तुपात जाडे पोहे तळून घ्यावेत आणि थंड झाल्यावर मिक्सरमधून फिरवून पावडर करून घ्यावी. मग त्याच कढईत थोडेसे साजूक तूप घालू ते गरम झाले की त्यात कणिक घालावी व कणकीचा रंग तांबूस होई पर्यन्त व भाजल्याचा खमग सुवास घरभर दरवळेपर्यन्त भाजून घ्यावी. नंतर त्याच कढईत साजूक तुपात तळून मिक्सरवर वाटून घेतलेले जाड पोहे व भाजून घेतलेली कणीक एकत्र मिक्स करून घ्यावी. मग त्यात किसलेला गुळ घाला वा तो पातळ होइ पर्यत हलवत रहावे . मग त्यात विलायची व जायफळ यांची पूड टाकून चांगले हलवून मिक्स करून घ्या. एका पसरत ताटाला तूप लावावे व त्यात ते पातळ झालेले मिश्रण ओतावे.वाटीच्या बूडाला तूप लावून ते मिश्रण वाटीच्या साह्याने ताट भर पसरवावे नंतर दोन मिनिटांनी गरम असतानाच वड्या पाडून घ्याव्यात त्यावर काजू बदामाचे काप पेरावेत् थंड झाल्यावर गूळ पापडीच्या वड्या काढून घेऊन डब्यात भरून ठेवा.
No comments:
Post a Comment