गवारीच्या शेंगांचा ठेचा
साहित्य : दोन मुठी भरून थोडी मोठी गवार तोडून घेणे, चवीनुसार व आवडी नुसार ४ ते ५ हिरव्या मिरच्या किंवा १०-१२ लसणाच्या
पाकळ्या , १ मूठभर भाजलेले शेंगदाणे (सालासकट), १ चमचा जीरे, चवीनुसार मीठ
कृती : मिरच्या कढईत तेल न घालता व्यवस्थित भाजून घेणे, त्याच कढईत तोडलेल्या गवारी व्यवस्थित भाजून घेणे. नंतर खलबत्त्यात किंवा मिक्सरमध्ये आधी मिरच्या ,जाडसर कुटून घ्यावे नंतर गवार, अर्धा चमचा जीरे,मीठ, भाजलेले सालासकट शेंगदाणे
जाडसर (अर्ध-बोबडे) कुटून घ्यावे. मिक्सरला फिरवून घ्यायचे असतील तर थोडे थांबून फिरवून
घ्यावे.
कढईत अर्धा ते १ चमचा तेल घेऊन उरलेले जीरे, ४ ते ५ कढीपत्ता पाने तुकडे
करून घालते, २ लसणाच्या पाकळ्या ठेचून
घालणे व कुटून घेतलेला ठेचा घालून २ ते ३ मिनीटे व्यवस्थित परतून घेणे.
यम्मी व टेस्टी ठेचा तयार.. भाकरी बरोबर अप्रतिम लागतो.
No comments:
Post a Comment