खास मधुमेहीं साठी पौष्टिक साबुदाणा खिचडी

 

खास मधुमेहीं साठी पौष्टिक साबुदाणा खिचडी

 

अशी खिचडी एकदा तरी करून बघाच.

फारच चविष्ट लागते.

साहित्य. पाऊण वाटी साबुदाणा,  तांबडा भोपळा,( काशीफळ /डांगर) एक खिरा काकडी,दोन हिरव्या मिरच्या, कोथिंबीर,शेंगदाण्याचेकूट, चवीप्रमाणे मीठ ,साखर चविपुरती थोडीशीच,

कृती : सर्वात प्रथम एका परातीत साबूदाणा ,शेंगदाण्याचे कूट,मीठ,साखर  एकत्र करून चांगल  मिक्स (मॅरीनेट) करून  मुरत ठेवा.

आता  एक उकडलेला बटाटा, तांबडा भोपळा आणि काकडी  यांच्या फोडी करून ठेवा. मिरच्या पोट फाडून बारीक चिरून तुकडे करा. (साबुदाण्याच्या दिडपट बटाटा,काकडी आणि भोपळ्यांचा  कीस हवा)

कृति : गॅसवर एका पॅन मध्ये  साजूक तूप तापवा, तूप  चांगले तापल्यावर मग त्यात भरपूर जिर फोडणीस टाका. जीरं चांगल खमंग तळा,खिचडीला जिऱ्याचा छान अरोमा लागला पाहीजे. मग त्यात बटाटा, काकडी, भोपळ्याचा फोडी  , हिरव्या मिरच्यांचे तुकडे  व  कोथींबीर टाकून  मस्त परतून घेऊन झाकण ठेवा. सगळे छान शिजू दे.

आता झाकण काढा साबूदाणा ,शेंगदाण्याचे कूट,मीठ,साखर मिक्स केलेलं सगळं त्यात टाका. सगळ छान एकत्रित परतवा.झाकण ठेवा. छान सगळ एकजीव आणि मिळून आले की झाकण काढा.आता झाकण न ठेवता परत एक वाफ आणा.

आता मस्त डायबेटीस खिचडी तय्यार.

तळटीप :  ती शिजलेली काकडी आणि भोपळ्याच्या फोडी अशा काही मस्त लागतात. तो एकत्रित अरोमा आपल्या टिपीकल खिचडीपेक्षा मस्त लागतो!!

करुन बघा , खाऊ घाला खा ,  आणि स्वस्थ राहा  मस्त रहा , चुस्त रहा !