उडदाचं घुटं
साहित्य : एक वाटी उडदाची सालासह डाळ (मी इडली साठी भिजत घातलेली पण शिल्लक उरलेली उडदाची डाळच वापरली आहे) ,एक टेबलस्पून हरभर्याची डाळ , पाव वाटी किसलेले सुक्के गोटाखोबरं, ४-५ लसूण पाकळ्या, एक पेराएव्हढा आल्याचा तुकडा , चवीनुसार मीठ, एक टेबलस्पून चिंचेचा कोळ
फोडणीसाठी दोन चमचे तेल, मोहरी, जिरं, कढिपत्ता, हिरवी /लाल मिरची,मूठभर कोथिंबीर
कृती : आगोदर भिजवलेली उडदाची डाळ व हरभर्याची डाळ प्रेशर कुकर मधून ४ शिट्ट्या करुन शिजवून घेतली. गॅसवर एका कढल्यात किंवा तव्यावर किसलेले सुके/ कोरडं खोबरं आणि जिरं खरपूस भाजून घेतले . भाजतांनाच त्यात धने,तमालपत्र , आल्याचा तुकडा ,लसणाच्या पाकळ्या घातल्या. नंतर तो कच्चा मसाला मिक्सरवर वाटून घेतला. शिजलेल्या डाळी डावाने घोटून एकजीव करुन घेतल्या . आता घोटलेल्या डाळींचे वरण एका पॅनमध्ये काढून घेऊन त्यात डाली भिवण्यासाठी घातलेले पाणी घालून उकळायला ठेवा. त्यात मिक्सरवर वाटून घेतलेले वाटण घाला. मग चिंचेचा कोळ व चवीप्रमाणे मीठ घाला.
आता गॅसवर एका कढल्यात तेलाची तडका फोडणी करावी. त्यात कढिपत्ता, हिरवी /लाल मिरची, कोथिंबीर, आलं, लसूण घालावे. लसूण खमंग होईपर्यंत परतावे.
नंतर ती तडका फोडणी उकळी आलेल्या घुट्यात घालावी.
टीप : काळ्या उडदाच्या साल असलेल्या डाळीचे घुटं हे जास्त चांगले लागते.
No comments:
Post a Comment