पापडाचे वडे
पापडाचे वडे ही केरळची खासियत आहे व एक पारंपारिक लोकप्रिय पदार्थ आहे
साहित्य : एक वाटी भर बेसन (चणा डाळीचे पीठ) , एक मोठा (कोशिंबीरीचा) चमचा तांदूळाची पिठी , हळद , हिंग , चवीनुसार तिखट व मठ, जिरे-ओवा-काळी मिरी प्रत्येकी अर्धा चमचा भरड पूड, बारीक चिरलेली कोथिंबीर, चिरलेली कढी पत्त्याची पाने व दोन चमचे तेलाचे मोहन , लिज्जतचे कच्चे ओले पापड ४ नग आणि तळणीसाठी तेल
कृती : एक मोठ्या बाऊलमध्ये बेसन (चणा डाळीचे पीठ) , तांदूळाची पिठी,हळद,हिंग, चवीनुसार तिखट व मठ, जिरे-ओवा-काळी मिरी प्रत्येकी अर्धा चमचा भरड पूड ही सगळे एकत्र घेऊन कोरडेच हाताने मिक्स करून घ्यावे व नंतर थोडे थोडे पाणी घालत मिक्स करत जावे. भज्यांसाठी ठेवतो त्यापेक्षा जास्त घट्ट ठेवावे. मग त्यात बारीक चिरलेली कोथिंबीर,चिरलेली कढी पत्त्याची पाने व दोन चमचे तेलाचे मोहन घालून पुन्हा एकदा फेटून घेतात तसे ढवळून मिक्स करून ठेवावे.
आता गॅस वर एका पॅन (कढई) मध्ये तेल गरम करायला ठेवावे.
तेल चांगले गरम होऊन उकळी आली की एकेका लिज्जतचे कच्चे ओल्या पापडाचे चार तुकडे करून प्रत्येक तुकडा पि‍ठात बुडवून सगळीकडे पीठ व्यवस्थित लागेल यांची खात्री करून तापलेल्या तेलात सोडावे. उलटून पालटून दोन्ही कडून वडे सोनेरी रंगावर फ्राय करून काढावे.
No comments:
Post a Comment