कुळीथ पिठाच्या पौष्टिक व स्वादिष्ट वड्या

कुळीथ पिठाच्या पौष्टिक व स्वादिष्ट वड्या

साहित्य : अर्धी वाटी कुळीथाचे पीठ,दोन टेबलस्पून कणिक,एक टेबलस्पून बेसन पीठ,अर्धी वाटी साजूक तूप,एक पूर्ण पिकलेले केळे,एक वाटी किसलेला गुळ ,एक वाटी ओल्या नारळाचा चव,एक छोटा चमचा वेलची पूड,एक चमचा खसखस,१०-१२ बेदाणे व १०-१२ काजू पाकळी

कृती : एका नॉनस्टिक पॅन मध्ये साजूक तुपावर अर्धी वाटी कुळीथाचे पीठ ,दोन चमचे कणिक आणि एक चमचा बेसन पीठ खमंग सुवास येईपर्यंत भाजून घ्या.

त्याच पॅनमध्ये थोड्याशा साजूक तुपात १०-१२ बेदाणे व १०-१२ काजू पाकळी परतून घ्या.

आता त्याच पॅनमध्ये ओल्या नारळाचा चव,किसलेला गूळ आणि कुस्करलेले पिकलेले केळे घालून खमंग परतून / शिजवून घ्या. शिजत असतांनाच त्यात खसखस व वेलची पूड घाला. एक छोटा चमचा मीठ घाला. या मिश्रणातच तुपावर परतलेले १०-१२ बेदाणे व १०-१२ काजू पाकळी घालून मिक्स करून घ्या.

गॅस बंद करून त्यात खमंग भाजलेली कुळीथ पीठ,कणिक आणि बेसन पीठ घालून कलथ्याने मिक्स करून घ्या.

एका स्टीलच्या थाळ्याला आतील बाजूने सगळीकडे साजूक तुपाचा हात चोळून घेऊन त्यात हे मिश्रण ओता व सगळीकडे सारख्या जाडीत पसरा.

सुरीला दोन्हीकडे तुपाचा हात लावून आपल्याला हव्या त्या आकारात वड्या कापून ठेवा.

थाळ्यातील वड्या थंड व घट्ट झाल्यावर सूरीच्या सहाय्याने वड्या थाळ्यातून काढून घट्ट झाकणाच्या डब्यात भरून ठेवा.

थंडीत रोज सकाळी या स्वादिष्ट व पौष्टिक वड्या खाव्यात.

ताकातील पालेभाज्या

 

ताकात बनवल्या जाणाऱ्या पालेभाज्या

पालक, मेथी,करडई,चंदनबटवा,राजगिरा ,मुळ्याचा पाला,शेपू,माठ,घोळ,चवळी,अंबाडी,भेंडी,हरभरा,  आणि चाकवत या पालेभाज्या ताकात बनवतात.

मेथी,भेंडी,पालक,काकडी,पडवळ अशी कोणतीही भाजी  घालून ताकातले पिठले सुद्धा छान लागते.

राजस्थानी कढीला सिंधी कढी असेही म्हणतात. ही कढी बनविण्यासाठी जिरे, मेथीदाणे, सुक्या लाल मिरच्या, हिरव्या मिरच्या, कढीपत्ता, हिंग, बेसन, हळद, लाल तिखट, चवीनुसार मीठ, थोडी साखर, गरम पाणी, कोथिंबीर, सोबत अनेक भाज्या गवार, गाजर, वांगी, शेवगा,फरसबी, भेंडी, बटाटा, रताळा, सोयाबीनचे. या सर्व भाज्या  घालून ताकाची बेसन लावून कढी बनवतात .

कषाय (औषधी वनस्पतींचा आरोग्यदायी काढा)

कषाय (औषधी वनस्पतींचा आरोग्यदायी काढा)

साहित्य : एक टेबलस्पून धने,अर्धा टेबलस्पून जिरे,तीन वेलदोडे,तीन लवंगा,एक टेबलस्पून गुळाची पावडर ,एक चमचा काळीमिरी पावडर,एक चमचा आल्याचा कीस,तीन टेबलस्पून दूध (चवीनुसार कमी-जास्त करावे)

कषाय पावडर बनवण्याची कृती : धने,जिरे,लवंगा व वेलदोडे एकत्र घेऊन मिक्सरमधून फिरवून पावडर बनवून घ्या. (जर ही पावडर जास्त दिवस ठेवायची असेल तर आगोदार हे जिन्नस भाजून घ्या)

कषाय (काढा) पेयाची कृती : एका पॅन मध्ये एक कपभर पाणी त्यात एक चमचाभर कषाय पावडर ,हळद ,आल्याचा कीस,चवीनुसार गूळ व साखर घालून उकळून घ्या. आता त्यात २-४ चमचे दूध घालून गरम असतांनाच प्यायला द्या.

टीप : थंडीत प्यावा. आरोग्य उत्तम रहाते.

कुळथाचे (हुलगे) माडगं

कुळथाचे (हुलगे) माडगं

साहित्य : दोन वाट्या मोड आलेल्या कुळथाचे/हुलग्याचं पीठ (मोड आलेले कुळीथ / हुलग्याचे दाणे तुपावर भाजून मिक्सरवर बारीक दळून पीठ बनवावं),पाव वाटी तांदूळाची पिठी,एक ग्लास दूध,अर्धा किलो गूळ,दोन टेबलस्पून साजूक तूप,७-८काजुच्या पाकळ्या,७-८ बदामांचे काप,७-८ बेदाणे,अर्धी मूठ चारोळया,एक छोटा चमचा मीठ.

कृती : प्रथम गॅसवर एका पॅनमध्ये कुळथाचे पीठ व तांदूळाची पिठी साजूक तुपावर लालसर होई पर्यंत भाजून घ्या. एक ग्लासभर पाणी घेऊन त्यात गूळ विरघळून घ्यावा,नंतर त्यात कुळथाचे पीठ व तांदूळाची पिठी घालून खिरीसारखे शिजवून घ्यावं .मग त्यात एक ग्लास दूध,काजूचे तुकडे,बदामांचे काप,बेदाणे आणि चारोळया घालून आणखी शिजवा. यात वेलदोड्यांची पूड घालायची गरज पडत नाही. कारण भाजलेल्या कुळथांना (हुलग्यांना) त्यांचाच एक प्रकारचा सुगंध असतो.

सगळ्यात शेवटी साजूक तूप घालून गॅस बंद करा. गॅसवरून खाली काढून सर्व्हिंग बाउल्स भरा आणि गरम गरम नाश्त्यासाठी सर्व्ह करा.

कुळथाचं माडगं थंडीत खूप पौष्टिक मानलं जातं.

कुळीथ खूपच पौष्टिक असतात,गुळातून लोह मिळते म्हणून पौष्टिक असते

लहान मुले, वयोवृद्ध , गरोदर स्त्रीया व बाळंतीणींसाठी उत्तम सात्विक आहार !!!  

उपवासाच्या पुरणपोळ्या

 चार दिवसांपूर्वी इंटरनेटच्या अ‍ॅमेझॉन साईट वरून निर्लोनचे नॉनस्टिक तवा आणि फ्राय पॅन COD ने मागवले होते. ते काल मिळाले.

मग विचार केला की तव्याचे उद्घाटन आपण पुरणपोळीने करू या.

या वेळी पुरणपोळया नेहमीच्या पारंपारिक पद्धतीच्या न करता उपासाला चालतील अशा बनवू या.

मग उकडलेले बटाटे व राजगिरा पीठ यांचा वापर करून बनवलेल्या या पोळ्यांची सचित्र रेसिपी मी आज तुमच्या सोबत शेअर आरत आहे.

उपवासाच्या पुरणपोळ्या

साहित्य :

१. २-३ मध्यम आकाराचे बटाटे,

२. एक वाटीभर साजूक तूप,

३. दीड वाटी राजगिरा पीठ,

४. १/२ वाटी साखर,

५. बदाम व काजूचे काप किंवा आवडीनुसार,

६. १ छोटा चमचा वेलची पूड’

७. २ छोटे चमचे तेल

कृती:

बटाटे चांगले उकडून सोलुन व किसणीवर किसून घ्यावे.एका कढईत थोडसं साजूक तूप गरम करावे.त्यात बटाट्याचा कीस घालून साधारण १० मिनिटे चांगला परतून घ्यावा.परतत असताना खाली लागणार नाही याची काळजी घ्यावी.साखर, बदाम व काजूचे काप, वेलची पूड घालून पुरण बनवून घ्यावे व थोडे थंड होवू द्यावे.राजगिरा पिठात २ छोटे चमचे तेल व आवश्यकतेनुसार थोडेसे पाणी घालून छान नरम पीठ मळुन घ्यावे.या पीठाचे एकाच आकाराचे गोळे करून घ्यावे.या गोळ्यांची पुरीच्या अकाराची पारी लाटून घ्यावी.

या पुरीची बोटांच्या साह्याने वाटी तयार करून घ्यावी.या वाटीत थोडे पुरण ठेवावे व पारीच्या सर्व बाजू बंद कराव्या व हा गोळा पीठात घोळून घ्यावा.पोळी गोल लाटून घ्यावी.

तवा गरम करून अगदी हलक्या हाताने लाटून घेतलेली पोळी त्यावर घालावी.दोन्ही बाजुनी खरपुस भाजून घ्यावी.तव्यावर पोळीच्या आजूबाजूने साजूक तुपाची धार सोडावी.

गरमा गरम पुरणपोळी सर्व्ह करावी.

आरोग्यदायी पौष्टिक राइस सूप

 

आरोग्यदायी पौष्टिक राइस सूप

साहित्य :

१.      दोन टेबल स्पून तांदुळ (हातसडीचे मिळत असल्यास अतिउत्तम ),

२.      दोन  टेबल स्पून साजूक तूप, चवीपुरते मीठ, साखर ,हिंग, जिरे, कढीपत्ता ,हिरवी मिरची, पाणी.

कृती :

१.      प्रथम दोन टेबलस्पू तांदूळ स्वच्छ पाण्याने धुवून घ्य.

२.      गॅसवर एका जाड बुडाच्या पातेल्यात एक चमचा साजूक तूप गरम करून घ्या मग त्यात धुतलेले तांदुळ घालून मंद आंचेवर थोडडेसे परतून घ्या .

३.      तांदुळ सोनेरी रंगाचे झाले की त्यात २ ग्लास पाणी घालून मोठ्या आंचेवर गॅस वर चांगली उकळी येउ द्या. अधून मधून चमच्याने ढवळत रहा.

४.      सूप जरा दाट झाले की त्यात चवीपुरती साखर , मीठ व चविपुता लिंबाचा रस घालून गॅस कमी करून उकळू द्या.

५.      दुसरीकडे एका तडका पात्रात (कढल्यांत)  एक चमचा साजूक तूप गरम करून त्यात हिंग, जिरे, कढीपत्ता, हिरवी मिरची चे तुकडे घालून तडका फोडणी करा.

६.      वरील तडका फोडणी सूप मध्ये वरून घाला. आवडत असल्यास बारीक चिरलेली कोथिंबिर घातल्यास उत्तम स्वाद येईल.

७.      वरील तडका फोडणी सूप मध्ये वरून घाला. आवडत असल्यास बारीक चिरलेली कोथिंबिर घातल्यास उत्तम स्वाद येईल.

 

 

 

भाजलेल्या भेंडीची कोशिंबीर किंवा भरीत

 

भाजलेल्या भेंडीची कोशिंबीर किंवा भरीत

 

 

गँसवर जाळी ठेवून त्यावर भेंड्या ठेवाव्यात. भाजतांना  एक काळजी  घ्यावी की भेंड्या खूप काळ्या नको व्हायला. भरीत करताना वांग शिजले हे जसे समजतच आपल्याला तशीच भेंडी पण समजते शिजल्यावर. भेंड्या  थंड झाल्यावर वरच काळं साल काढून कुस्करून घ्यावी. त्यात घट्ट दही, बारीक चिरलेला कांदा, हिरवी मिरची, कोथिंबीर, मीठ,साखर घालून कालवून घ्यावे.वरून  जिरे-मोहरीची फोडणी किंवा कच्च तेल घालून एकत्रित कालवून आस्वाद घ्यावा.