साबुदाण्याचे आप्पे
साहित्य: : एक वाटी
साबुदाणा,दोन बटाटे (उकडून व कुस्करून),पाव वाटी दही,चवीनुसार २-३ हिरव्या
मिरच्या,एक चमचा जिरे,अर्धी मूठ बारीक चिरलेली कोथिंबीर,चवीनुसार मीठ ,अर्धी वाटी शेंगदाण्याचे
कूट,चवीपुरती साखर ,आवश्यकतेनुसार तेल / तूप.
कृती : आप्पे बनविण्यासाठी
३-४ तास आगोदर साबुदाणा भिजत घालून ठेवा.
चार तासानंतर भिजलेल्या
साबुदाण्यामध्ये उकडून कुस्करलेला बटाटा,
जिरे, बारीक चिरलेली कोथिंबीर,शेंगदाण्याचे कूट, वाटलेल्या हिरव्या मिरच्या,
मीठ व दही घालून चांगले मळून घ्यावे.थोडेसे पाणी घालावे.
दुसरीकदे अप्पे पात्राला
तेलाचा / तुपाचा हात लावून लावून ते गॅसवर ठेवून गरम करावे.गरम आप्पेपात्रात
चमच्याने मिश्रण घालावे.
गॅस मध्यम तआचेवर ठेवून
आप्पेपात्रावर झाकण ठेवावे.
सुमारे ३-४ मिनिटे आप्पे तयार होवू द्यावे.झाकण काढून
पहावे रंग बदलल्यास पलटावे व आप्पे दुसर्या बाजुनेही छान करून घ्यावेत.
आवश्यक वाटल्यास आप्यांवर थोडे
थोडे तेल / तूप सोडावे.
दोन्ही बाजूनी आप्पे झाले
की पात्रातून काढावे व सर्व्हिंग प्लेटमध्ये दही कींवा चटणीसोबत सर्व्ह करावे.
