ओवा-जिरे-तीळ यांचा #नमकिन #पराठा
साहित्य : गव्हाचे पीठ (कणीक), थोडेसे डाळीचे पीठ (बेसन),
बारीक चिरलेली कोथिंबीर, तीळ, ओवा-जिरे पूड, तिखट, हळद आणि
चवीपुरते मीठ.
कृती : सर्वप्रथम एका ताटात गरजेनुसार गव्हाचे पीठ
घ्या.त्यात अगदी थोडेसे डाळीचे पीठ घालून ते एकत्र करून घ्या.मग त्यामध्ये ओवा-जिरे पूड, तिखट, हळद,
तीळ आणि गरजेनुसार मीठ घालून ते पुन्हा व्यवस्थित मिसळून घ्या.त्यात
थोडी कोथिंबीर बारीक चिरून घाला. गरज असल्यास त्यात थोडे पाणी घालू शकता. साधारण आपण पोळी करण्यासाठी कणीक मळतो, तशी ती
आपल्या सोयीने मळून घ्या. या पीठातील लाडवा एव्हढा उंडा
घेऊन या उंड्याचे पराठे लाटून ते छान खरपूस भाजून घ्या.
गरम गरम खाल्ल्यास
उत्तम. हे ओवा-जिरे-तीळ यांचे नमकिन पराठे लोण्याबरोबर खाल्ल्यास आणखी लज्जतदार
लागतात.
No comments:
Post a Comment