फणसाच्या पानातील मंगलोरी इडली/खोट्टे इडली
इडलीचा हा प्रकार खूपच अनोखा व युनिक आहे . इडली अशी पण होऊ शकते हे मला आज कळले
ही मंगलोरची स्पेशल इडली रेसिपी आहे . एकदा नक्की करुन पहायच.
साहित्य : ६-७ फणसाची पाने,चार वाट्या इडलीचे तयार बॅटर (भिजवलेले पीठ)
चार वाट्या सांबार
छोटी वाटी भरुन हिरवी चटणी
कृती : आधी फणशाच्या पानांचा वापर करून कोन बनवा . आमच्याकडे फणसाची पाने नसल्यामुळे मी कुल्फीचे अ‍ॅल्यूमिनीयमचे कोण वापरले आहेत) त्यात इडलीचे तयार बॅटर भरा. स्टीमर मध्ये पाणी ठेवा वर एका चाळणीत ग्लास ठेवा, ग्लासमध्ये ते कोन ठेवा.
आता स्टीमर्चे झाकण बंद करून १५-२० मिनिटे शिजू द्या. थंड गार झाले की कोण मध्ये वाफेवर शिजलेल्या खोट्टे इडल्या काढा आणि फणसाच्या पानावर सांबार व हिरव्या चटणी सोबत सर्व्ह करा.
विशेष टीप : पुण्यात आम्हाला फणसांची पाने कोठून मिळणार ? मग मी पानड्यांसाठी आपण नेहमी वापरतो तही हळदीची पाने वापरली आहेत. एव्हढा फरक सोडल्यास बाकी सगळे सेम आहे.
No comments:
Post a Comment