शिंगाड्याच्या पिठाची शेंगदाणा भजी
शिंगड्याच्या पिठात लाल मिरचीचे तिखट, मीठ, जिरे
पावडरआणि कच्चे शेंगदाणे घालून थोडे थोडे पाणी शिंपडून भिजवायचे. दाणे मोकळे पण
पिठात घोळत एक एक सुट्टा दाणा मंद आचेवर तळून काढावा. थंड झाला की कुरकुरीत भजे तयार.
Wednesday, 7 January 2026
शिंगाड्याच्या पिठाची शेंगदाणा भजी
Thursday, 1 January 2026
#२०२६_चा_पहिला_नाष्टा #झणझणीत_तर्री_पोहे_मिसळ
आज नव्या वर्षांचा पहिला दिवस !
मग आम्ही दोघेही आमच्या सदाशिव पेठेतील घराशेजारच्या पुणे विद्यार्थी गृहा जवळच्या नृसिंह मंदिरा समोर असलेल्या ‘#सुदाम्याचे_पोहे’ मधून तर्री पोहे घेऊन आलो.
अतुलने (मुलगा) मुंबईहून आणलेले फरसाण शिल्लक होतेच.
सौ. ने कांदा व कोथिंबीर चिरली.
अशी सगळी तयारी झाल्यावर एका स्टीलच्या बाऊलमध्ये अगोदार पोहे घातले. त्यावर फरसाण घातले. त्यावर चिरलेला कांदा आणि कोथिंबीर पसरली. सगळ्यात शेवटी त्याच्यावर गरमागरम झणझणीत तर्री घातली. मला आवडते म्हणून मलईदार कवडीचे दही घालून झणझणीत पोहे-फरसाण-तर्री-दही मिसळीचा आस्वाद घेत २०२६ मधला पहिला आवडता नाष्टा केला.
ता. क. : मला मिसळी सोबत पाव खायला आवडत नाही.
#उडीद_डाळीची_कुरकुरीत_जाळीदार_भजी
#उडीद_डाळीची_कुरकुरीत_जाळीदार_भजी
फक्त उडदाची डाळ घालून बनवा हा कुडुम ... भिजवलेल्या उडीद डाळीची भजी एकदम कुरकुरीत अजिबात तेलकट न होणारी.
उडदाच्या डाळीची भजी बनवण्यासाठी उडीद डाळ भिजवून, वाटून, त्यात कांदा,हिरवी मिरची, कोथिंबीर, आले, जिरे, मीठ घालून मिश्रण तयार करतात आणि गरम तेलात सोनेरी होईपर्यंत तळतात, ज्यामुळे कुरकुरीत आणि पौष्टिक भजी तयार होतात, जी हिरव्या चटणीसोबत खूप छान लागतात. यासाठी डाळ रात्रभर किंवा ४-५ तास भिजवून कमी पाण्यात वाटणे आणि ही भजी तेलात सोडताना हाताला तेल लावणे खूप आवश्यक व महत्त्वाचे आहे.
साहित्य:
उडदाची डाळ ( एक रात्र भिजवलेली)
कांदा (बारीक चिरलेला)
हिरवी मिरची (बारीक चिरलेली)
आले (किसलेले किंवा ठेचलेले)
कोथिंबीर (बारीक चिरलेली)
ओवा
जिरे
मीठ
तांदळाचे पीठ (ऐच्छिक, कुरकुरीतपणासाठी)
हिंग (ऐच्छिक)
कढीपत्ता (ऐच्छिक)
मोहरी (ऐच्छिक)
तळण्यासाठी तेल .
कृती:
डाळ भिजवणे आणि वाटणे: उडद डाळ ४-५ तास किंवा रात्रभर भिजत ठेवा. नंतर पाणी काढून टाका आणि मिक्सरमध्ये कमीत कमी पाणी वापरून जाडसर वाटून घ्या. मिश्रण जास्त पातळ नसावे.
मिश्रण तयार करणे: वाटलेल्या डाळीत चिरलेला कांदा, मिरची, आले, कोथिंबीर, ओवा, जिरे, मीठ आणि तांदळाचे पीठ (घालत असल्यास) घालून चांगले फेटून घ्या, जेणेकरून मिश्रण हलके होईल.
भजी तळणे: कढईत तेल गरम करा. बोटांना किंवा चमच्याला तेल लावून मिश्रणाचे छोटे गोळे किंवा वडे तेलात सोडा आणि मध्यम आचेवर सोनेरी-तपकिरी रंगाचे होईपर्यंत तळून घ्या.
सर्व्ह करणे: तयार भजी गरम गरम हिरवी चटणी किंवा टोमॅटो सॉससोबत सर्व्ह करा.
साहित्य- २ वाटी उडीद डाळ, २ टेबल स्पून रवा, १ टी
स्पून हळद, २ टी स्पून लाल मिरची पावडर, १/२ टी स्पून धना पावडर, १/२ टी स्पून जिरा पावडर, १/२ टी स्पून गोडा मसाला, चवीनुसार मीठ, बारीक चिरलेली कोथिंबीर, तेल, पाणी
चटणीसाठी साहित्य:-
१/२ वाटी खवलेला ओला नारळ, ३-४ हिरव्या मिरच्या, कोथिंबीर, ४-५ लसूण पाकळ्या, २ टी स्पून लिंबाचा रस, चवीनुसार मीठ आणि साखर, वाटण्यासाठी पाणी.
कृती- आदल्या दिवशी रात्री उशीरा उडीद डाळ धुऊन भिजत घाला. दुसऱ्या दिवशी ती डाळ वाटून घ्यावी. वाटलेली डाळ एका पसरट भांड्यात काढून त्यात हळद, लाल मिरची पावडर, धना पावडर, जिरा पावडर, गोडा मसाला, रवा, बारिक चिरलेली कोथिंबीर, गरम तेल, चवीनुसार मीठ घालून एकत्र करून घ्यावं. गॅसवर कढईत तेल गरम करण्यासाठी ठेवावं. त्या गरम तेलात वरील एकत्र केलेल्या मिश्रणाची भजी तळून घ्यावी.
चटणीसाठी कृती- खवलेल्या ओल्या नारळात हिरव्या मिरच्या, कोथिंबीर, लसूण पाकळ्या, लिंबाचा रस, चवीनुसार मीठ, साखर आणि पाणी घालून मिक्सरमधून चटणी वाटून घ्यावी.
Tuesday, 30 December 2025
बटाटा साबुदाणा भगर शिंगाडापीठ यांचे थालीपीठ
#बटाटा_साबुदाणा_भगर_शिंगाडापीठ_थालीपीठ
साहित्य:
भगर (वरी), साबुदाणा,उकडलेला बटाटा,शिंगाडा पीठ ,हिरवी मिरची,जिरे,मीठ (उपवासाचे),कोथिंबीर (पर्यायी)
साजूक तूप
कृती:
तयारी: भगर आणि साबुदाणा एकत्र भिजत ठेवा. बटाटा
उकडून किसून घ्या. मिरची आणि जिरे वाटून घ्या.
भिजलेली
भगर आणि साबुदाणा मिक्सरमध्ये बारीक वाटून घ्या. त्यात किसलेला बटाटा, शिंगाड्याचे पीठ,वाटलेली मिरची-जिरे, चवीनुसार मीठ आणि बारीक चिरलेली कोथिंबीर घालून
चांगले मिसळा.
थालिपीठासाठी तवा गरम करून त्यावर साजूक तूप लावा. मध्यम
आचेवर तव्यावर थालीपिठाचा गोळा ठेवून हाताने
गोलाकार थापा. गोळावर माहीभागी एक आणि गोलंकारबाजूवर बोथानेतेन भोके पाडून त्यात साजूक
तूप सोडा.
थालिपीठावर १-२ मिनिटे झाकण ठेवा. झाकण काढून
खालची बाजू भाजली असल्यास थालीपीठ पलटून घ्या. दोन्ही बाजूंनी खापुस भाजून झाल्यावर
थालीपीठ सर्व्ह करा. सोबत खाराची मिरची किंवा लोणी अथवा गोडसर दही ड्या.
Sunday, 28 December 2025
साबुदाणा,शिंगाडा पीठ व #भगरच्या_टिक्की
साबुदाणा,शिंगाडा पीठ व #भगरच्या_टिक्की
भगरीचे थालीपीठ बनवण्यासाठी भगर, साबुदाणा, उकडलेला बटाटा, मिरची, जिरे, मीठ आणि कोथिंबीर वापरतात; भगर-साबुदाणा भिजवून वाटून घ्या, त्यात किसलेला बटाटा आणि बाकीचे जिन्नस मिसळून
जाडसर पीठ बनवा, तव्यावर तूप लावून हे पीठ गोलाकार पसरवा, झाकण ठेवून एका बाजूने भाजा, नंतर पलटून दुसऱ्या बाजूनेही तुपावर कुरकुरीत
होईपर्यंत भाजा आणि शेंगदाणा चटणी किंवा बटाट्याच्या चटणीसोबत गरम सर्व्ह करा.
Saturday, 27 December 2025
फक्त १० मिनिटांत मलाईदार, जाळीदार #खरवस
मीआजच घरी बनवलेला फक्त १० मिनिटांत मलाईदार, जाळीदार #खरवस
#झटपट_खरवस_स्टेप_बाय_स्टेप_रेसिपी
साहित्य
गायीचे दूध – ½ लिटर
साखर – ४ ते ५ टेबलस्पून (चवीनुसार)
अंडी – २
केशर – ८–१० धागे (ऐच्छिक पण छान रंग देतो)
वेलची पावडर – ½ टीस्पून
थोडेसे बदाम-पिस्ता काप (सजावटीसाठी)
पायरी पहिली : खरवसासाठी असे दूध तयार करा.
प्रथम गायीचे ताजे दूध हलके गरम करून घ्या. दूध उकळायची गरज नाही, फक्त कोमट असले तरी चालते. कोमट दूधात साखर चांगली मिसळली जाते आणि मिश्रण गुठळ्या न होता एकसंध (Consistent) होते.
पायरी दुसरी : खरावसासाठी असे मिश्रण तयार करा
एका मोठ्या पातेल्यात दोन अंडी फेटून घ्या. त्यात हलक्या हाताने साखर घाला. आता हे मिश्रण गुठळ्या न राहील असे नीट एकत्र करा.
नंतर कोमट दूध, वेलची पावडर आणि केशर यामध्ये घालून पुन्हा एकदा चांगले मिसळा.
याच ठिकाणी खरवसाला येणारी जाळीदार टेक्स्चरची सुरूवात होते!
पायरी तीन : खरवस वाफवण्यासाठी तयारी
खरवसाचे मिश्रण एका खोल डब्यात किंवा स्टीलच्या भांड्यात ओतून घ्या. वर अॅल्युमिनियम फॉइलचे झाकण लावा म्हणजे वाफ आत शिरणार नाही आणि खरवस नरम बनेल.
एका मोठ्या पातेल्यात पाणी गरम करा आणि त्यात स्टँड ठेवून त्यावर हे मिश्रनाचे भांडे ठेवा.
पायरी चार : हे मिश्रण फक्त १० मिनिटे वाफवा.
मध्यम आचेवर १० मिनिटे हे मिश्रण वाफवून घ्या. वाफवताना झाकण उघडू नका.
१० मिनिटांत खरवस छान सेट होतो आणि त्यावर सुंदर जाळी तयार होते.
पायरी पांच : भांड्यात वाफावलेला खरवस थंड झाला की वड्या कापा
वाफवलेला खरवस पूर्णपणे थंड होऊ द्या.
थंड झाल्यावर तुम्हाला त्याची नरम, जाळीदार आणि एकदम मलाईदार टेक्स्चर दिसेल!
आता त्याचे चौकोनी किंवा डायमंड अथवा कोणत्याही आकाराचे तुकडे कापा.
पायरी सहा : सजावट करा आणि सर्व्ह करा.
वरून बदाम-पिस्ता यांचे पातळ काप पसरा आणि थोदे केशराचे पाणी घाला.
बाजारपेक्षा चविष्ट आणि तुपकटपणा नसलेला असा घरचा नैसर्गिक खरवस सज्ज!
खरवस बांनावण्यासाठी खास टिप्स :
दूध कोमट असेल तर मिश्रण चांगले सेट होते.
अंडी व्यवस्थित फेटणे आवश्यक, त्यामुळे जाळीदार टेक्स्चर येते.
झाकण घट्ट लावा म्हणजे वाफ आत जाणार नाही आणि खरवस पाणीदार होणार नाही.
वाफ जास्त वेळ देऊ नका, नाहीतर खरवस रबरासारखा चिवट होतो.
शेवटी …
१० मिनिटांत तयार होणारा हा घरचा खरवस तुमच्या पाहुणचाराची शान वाढवेलच पण खाणाऱ्यांकडून “पुन्हा कर ना!” अशी मागणी नक्कीच येईल. गायीच्या दुधाचा नैसर्गिक स्वाद, मऊ टेक्स्चर आणि हलकी गोडी—सगळंच एकदम परफेक्ट!
Thursday, 25 December 2025
.jpg)
Subscribe to:
Comments (Atom)