चिंचेचे सार
साहित्य : लाडवाएवढा चिंचेचा गोळा,अर्धाडाव
तेल,एक चमचा मोहरी,एक चमचा जिरे,एक छोटा चमचा हिंगपूड,एक चमचा लाल मिरचीचे तिखट,चवीनुसार
मीठ,चार चमचे गूळ,दोन टेबलस्पून ओल्या नारळाचा
खोवलेला चव,५-६ कढीपत्त्याची पाने,३-४ लाल
सुक्या मिरच्या,अर्धी मूठ बारीक चिरलेली कोथिंबीर.
कृती : सुरवातीला एक
तास आधी एका पातेल्यात चिंचेचा गोळा एक वाटीभर गरम पाण्यात भिजत घालून ठेवावा. एक तासानंतर
त्यात आणखी वाटीभर गरम पाणी घालून चिंच कुस्करून कोळ काढून घ्यावा व सूती फडक्यावर किंवा चाळणीवर गाळून घ्यावा. त्यात
आणखी दोन वाट्या गरम पाणी घालून पातेले गॅसवर ठेवावे.
दुसरीकडे गॅसवर एका
कढल्यात तेलाची फोडणी करून त्यात मोहरी व जिरे घालून ते दोन्ही चांगले तडतडल्यावर कढीपत्त्याची पाने व लाल सुक्या मिरच्या घालून दोन
मिनिटे परतून घेऊन शेवटी हिंग व हळद घालून काही सेकंड परतावे आणि मग ती तडका फोडणी
गॅसवर पातेल्यात असलेल्या चिंचच्या कोळावर
ओतावी. मग त्या चवीनुसार तिखट व मीठ घालून पाच-सात मिनिटे सार चांगले उकळू द्यावे.
चिंचेचा उग्र असा कच्चट वास गेला की गूळ घालावा. मंद आंचेवर सार पांच मिनिटे उकळले
की त्यात ओल्या नारळाच्या खोवलेला चव व बारीक
चिलेली कोथिंबीर घालून आणखी एखादे मिनिट उकळून घेऊन गॅस बंद करावा व सार गॅसवरून खाली
उतरावावे.
हे सार, मुगाची खिचडी किंवा डाळ व भात यांच्या बरोबर खूपच स्वादिष्ट
लागते.
No comments:
Post a Comment