झणझणीत
फोडणीचा ठेचा
हिरव्या मिरच्या भाजून घ्या व मग भाजून झालयावर त्या मिक्सर मधून सोबत लसूण
आणि कोथिंबीरघालून वाटून घ्या. ह्यात चवीनुसार मीठ घाला की हा आपला नॉर्मल ठेचा तयार. हाच ठेचा खान्देशात
भरीत करीत असताना वापरतात.
आता बारीक चिरलेला कांदा छान पॅन मध्ये तेलात गुलाबी रंगाच्या
होईपर्यँत परतायचा. मग त्यात एक चिरलेला टोमॅटो अगदी तो मऊ होईपर्यंत परतवायचा. मग त्यात हा झणझणीत हिरव्या
मिरच्यांचा ठेचा घालायचा. थोडा वेळा छान कांदा, टोमॅटो
मध्ये एकजीव होईपर्यंत परतवायचं आणि आवश्यक तेवढं चवीनुसारमीठ घालायचं. हा झाला
तुमचा फोडणीचा ठेचा तयार. फोडणीचा ठेचा करताना मीठ सगळ्यात शेवटी घालायचं
हा ठेचा नुसता पोळी किंवा भाकरी सोबत सुद्धा खाऊ शकतो किंवा ताका
पासून बनलेल्या कढी सोबत सुद्धा छान लागतो.
खानदेशात ठेचा हा ठेचून करतात त्यासाठी बडगी आणि लाकडाची ठेचणी वापरली
जाते.
No comments:
Post a Comment