Saturday, 26 August 2017

झटपट आळूवड्या



साहित्य : ५-६ वड्यांच्या आळूची मोठी न खाजणारी आळूची पाने,दोन वाट्या बेसन पीठ,चवीनुसार लाल मिरचीचे तिखट,मीठ व चिंचेचा कोळ,एक छोटा चमचा हिंग,एक छोटा चमचा हळद व आळूवड्या शॅलो फ्राय करण्यासाठी लागेल तसे तेल.

कृती : झटपट आळूवडी करायची आसल्यास आळूची पाने बारीक बारीक (देठासकट) चिरुन त्यात बेसन पीठ,चवीनुसार लाल मिरचीचे तिखट,मीठ,चिंचेचा कोळ,चिमूटभर हिंग व हळद घालून वड्यांचे पीठ भिजवा,चव बघा व मगच त्या पिठाचे उंडे करून इडलीपात्रात किंवा कुकरमधून ते उंडे उकडून घ्या.थंड झाल्यावर उंड्याच्या वड्या कापून घ्या. नंतर त्या डिप फ्राय किंवा शॅलो फ्राय करा. मस्त लागतात अश्या आळूवड्या चवीला..