Sunday, 27 November 2016

पुदिन्याच्या पुर्‍या

पुदिन्याच्या पुर्‍या

सकाळच्या नाश्त्यासाठी पुदिन्याच्या पुर्‍या बनवता येतील.तसेच लहान मुलांना शाळेच्या मधल्या सुट्टीत खायला द्यायच्या डब्यात द्यायलाही ह्या पुर्‍या छान आहेत. या बनवतांना पुदिना व कोथंबीर यांचा वापर आहे. पुदिना व कोथंबीर हे दोन्हीही खूपच पौष्टिक आहेत. ह्या पुर्‍या बनवायला अगदी सोप्या व झटपट होणार्‍या आहेत.
साहित्य : दोन वाट्या कणीक,एक टेबलस्पून चणा डाळीचे पीठ (बेसन),मूठभर कोथंबीर,मूठभर पुदिन्याची पाने,एक चमचा भाजलेले पांढरे तीळ, एक चमचा लाल मिरचीच्या तिखटाची पावडर,चवीनुसार २-३ हिरव्या मिरच्यांचे तुकडे,५-६ लसणाच्या पाकळ्या,पेरभर आल्याचा तुकडा,मोहन म्हणून एक टेबलस्पून कडकडीत तेल,चवीनुसार मीठ,आवश्यकतेनुसार पुर्‍या तळण्यासाठी तेल.
कृती : एका परातीत कणीक,बेसन पीठ, भाजलेले पांढरे तीळ, लाल मिरचीच्या तिखटाची पावडर, मीठ घेऊन कोरडेच मिक्स करून घ्या व त्यात कदकडीत तेलाचे मोहन घालून मिक्स करून घ्या.मिक्सरवर कोथंबीर, पुदिना पाने, आले, लसूण, हिरवी मिरची यांची पेस्ट वाटुन घेऊन पीठामध्ये मिक्स करून पीठ घट्ट भिजवून व चांगले मळून घ्या. मळलेले पीठ मुरण्यासाठी १० मिनिटे ओल्या तलम सूती कपड्याने झाकून एका बाजूला ठेऊन द्या. १० मिनिटांनी पुन्हा एकदा पीठ मळून घेऊन त्याचे लिंबाएव्हढ्या आकाराचे एक सारखे गोळे बनवून ठेवा.
त्यातील एकेक गोळाघ्या व पोळपाटावर लाटून पुर्‍या बनवून ठेवा.
दुसरीकडे गॅसवर एका कढईत मोठ्या आंचेवर तेल कडकडीत गरम करून घ्या व त्या गरम तेलात मध्यम आंचेवर ब्राऊन रंगावर पुर्‍या छान तळून घ्या व पेपर नॅपकीनवर काढा म्ह

णजे पुर्‍यातील जास्तीचे तेल शोषून घेतले जाईल.
या गरमा- गरम पुदिनयाच्या पुर्‍या आपल्या आवडत्या चटणी सोबत अगर टोमाटो सॉस सोबतसर्व्ह करा.