Sunday 27 November 2016

सुरणाची सुक्की भाजी

सुरणाची सुक्की भाजी


बटायाच्या सुक्या भाजीप्रमाणेच सुरणाची ही सुकी भाजीसुद्धा चवीला खूप स्वादिस्ट व रुचकर लागते. ही भाजी बनवायला पण अगदी सोपी आहे व पौस्टिक पण आहे. सुरणामध्ये प्रोटीन, लोह, व जीवनसत्व “अ” असते. सुरण नेहमी पांढरे वापरावे. लाल सुरण हे खाजरे असते. म्हणून नेहमी पांढरे सुरण वापरावे.
साहित्य : अर्धा किलो सुरण (पांढरे),३-४ आमसुले,चवीनुसार मीठ,फडणी साठी एक टेबलस्पून तेल,एक चमचा मोहरी, ४-५ लाल सुक्या मिरच्या,एक टेबलस्पून उडदाची डाळ,वाटणासाठी अर्धा खोवलेला नारळ व एक चमचा जिरे आणि सजावटीसाठी मूठभर बारीक चिरलेली कोथिंबीर.
कृती : आगोदर सुरण धुवून साफ करून त्याचे बटाट्याचे भाजीसाठी करतो तसे बारीक चौकोनी तुकडे करावेत. ओल्या नारळाचा खाऊन घेतलेला चव व जिरे याचे मिक्सरवर जाडसर वाटण करून घ्यावे.
आता गॅसवर एका पॅनमध्ये पाणी उकळून त्यामध्ये आमसूल व मीठ घालून सुरणाच्या फोडी घालून ५-७ मिनिट मंद आंचेवर शिजवून घ्याव्यात. (सुरण,आमसुल व मिठाच्या पाण्यात उकडल्यामुळे सुरणाचा खाजरे पणा जातो)
नंतर गॅसवर एका कढई मध्ये फोडणीसाठी तेल गरम करून त्यामध्ये मोहरी, सुक्या लाल मिरच्या, उडदाची डाळ व मीठ घालून सुरणाच्या शिजववून घेतलेला फोडी घालून भाजी परतून घ्यावी मग त्यामध्ये जिरे- खोबर्याचे वाटण घालून परत भाजी थोडी परतून घ्यावी.
बारीक चिरलेल्या कोथंबीरीने भाजी सजवून पोळी बरोबर सर्व्ह करावी.


No comments:

Post a Comment