फोडणीची भाकरी (किंवा पोळी अथवा भात)
ज्वारीच्या शिळ्या भाकर्या, गाजर, बीट कीसून आणि कच्चे मटाराचे कोवळे दाणे ,वाटीभर दही, हिरवी मिरची, कोथिंबीर, अर्धी मूठ शेंगदाणे, चवीप्रमाणे मीठ, चिमूटभर साखर, फोडणीसाठी तेल, जीरे, हिंग.
कृती:
शिळ्या ज्वारीच्या भाकर्यां अगदी बारिक कुस्करुन घ्या. मिक्सरमधून बारिक केल्या तरी चालेल. गॅसवर एका कढईत फोडणीसाठी तेल गरम करून त्या गरम तेलात हिंग-जिर्याची फोडणी करावी,त्यात कढीपत्त्याची पाने घालून परतून घ्यावीत व नंतर त्यामध्ये बारिक चिरलेली हिरवी मिरची, शेंगदाणे, किसलेले गाजर , बीट आणि कच्चे मटाराचे कोवळे दाणे घालून दोन मिनिटे परतून घ्यावे व कढईवर पाणी घालून एक ताट झाकण ठेवून मंद आंचेवर शिजू ध्यावे, मग कुस्करलेली भाकरी घालून परतावे व भाकरीचा कुस्करा वाफवून घ्यावा. नंतर त्यामध्ये दही, चिरलेली कोथिंबीर, मीठ, साखर घालून व झार्याने चांगले हलवून एकत्र मिक्स करून घेऊन एक वाफ काढून गॅस मंद करावा.
या डीशला शिळ्या भाकरीचा चिवडा असेही म्हटले जाते तर यालाच मराठवाड्यात ‘माणिक-पैंजण’ या भारदस्त नावाने ओळखले जाते.कोणी याला ‘साप्ताहिकी’ असेही म्हणतात. तर ही उपहाराची वन-डिश-मिल म्हणूनही ओळखली जाते. यात आपण इतर बर्याच भाज्या चिरून / किसून घालून याचे पोषण मूल्यही वाढवू शकतो. बर्याच लोकांना ही डिश एव्हढी आवडते की ही करता यावी म्हणून दोन भाकर्या जास्त करून मुद्दाम उरवतात.
No comments:
Post a Comment