मसाला-बटाटा ब्रेड टोस्ट सँडविच

मसाला-बटाटा ब्रेड टोस्ट सँडविच

साहित्य: एक स्लाईस  ब्रेड , ४ते ५ टेस्पून अमूल बटर , सॅंडविचमध्ये भरण्याचे सारण म्हणून दोन वाट्या मटार-कांदा-बटाट्याची झणझणीत मसाला भाजी,फोडणीसाठी: १ टीस्पून तेल, चिमूटभर मोहोरी ,जिरे,चिमूटभर हिंग, १/४ टीस्पून हळद , ४ ते ५ कढीपत्ता पाने (बारीक चिरून),दोन चमचे आले-लसूण पेस्ट,चवीनुसार मीठ,एक वाटी हिरवी कोथिंबीर-खोबर्‍याची चटणी

कृती :
सॅंडविचमध्ये भरण्यासाठी सारण-मसाला (भाजी) : बटाटे सोलून मॅश करून घ्यावेत. गॅसवर एका कढईत तेल गरम करून घेऊन मोहोरी,जिरे,हिंग, हळद आणि कढीपत्ता घालून फोडणी करावी. त्यात हिरवी मिरची पेस्ट आणि आलेलसूण पेस्ट घालून १५ सेकंद परतावे. कांदा घालून परतावे आणि झाकण ठेवून मिनिटभर शिजू द्यावे. नंतर मटार घालून झाकण ठेवून मटार शिजू द्यावे. शेवटी  मॅश केलेले बटाटे घालावे. मिक्स करावे आणि वर बारीक चिरलेली कोथिंबीर घालून झाकण ठेवून २-३ मिनिटे वाफ काढावी.

ब्रेड स्लाईसच्या एका बाजूला बटर लावावे. अमूलचे बटर लावलेल्या ८ पैकी ४ स्लाईस घेवून त्याला चटणी लावावी.
चटणी लावलेल्या ब्रेडवर तयार मसाल्याचा पातळ थर लावून घ्यावा. त्यावर कांद्याची एक चकती ठेवावी. वरती बटर लावलेला ब्रेड स्लाईस ठेवून किंचित प्रेस करावे.
बाहेरून थोडेसे बटर लावून सॅंडविच टोस्टरमध्ये सॅंडविच टोस्ट करून घ्यावे

गरम सॅंडविच हिरवी चटणी किंवा टोमॅटो केचपबरोबर सर्व्ह करावे.

चटपटे नमकीन अख्खे मसूर

चटपटे नमकीन अख्खे मसूर

साहित्य : एक वाटी अख्खे मसूर, पाव वाटी शेंगदाणे,एक वाटी बारीक शेव, दोन टेबलस्पून पंढरपूरी डाळं,अर्धा चमचा आमचूर पावडर,पाव चमचा लाल मिरचीचे तिखट,अर्धा चमचा चाट माला, पाव चमचा सैंधव मीठ,चवीनुसार मीठ,दोन टेबलस्पून भाजलेले तीळ व तळणीसाठी गरजेनुसार तेल

कृती : ८ ते १० तास आगोदर अख्खे मसूर भिजत घालून ठेवा. ८-१० तासा नंतर भिजवलेले मसूर पाण्यातून काढून एखाद्या सूती कापडावर अथवा पंचावर पसरून सुकवून घ्या.गॅसवर मोठ्या आंचेवर एका कढईत तेल भरपूर गरम करून त्यात भिजवून वाळवलेले अख्खे मसूर कुरकुरीत होईपर्यंत तळून पेपर नॅपकींवर पसरून टाका.त्याच तेलात शेंगदाणे, , पंढरपूरी डाळं व तीळ सुद्धा तळून घ्या.

एका मोठ्या बाउलमध्ये हे तळलेले अख्खे मसूर, पंढरपूरी डाळं, शेंगदाणे ,तीळ ,बारीक शेव, सैंधव मीठ,चवीनुसार मीठ व लाल तिखट घालून चमच्याने हलवून छान मिक्स करून घ्या.

हे चटपटीत नमकीन मसाला मसूर चाउ-माऊ म्हणून दुपारच्या चहा सोबत खायला उत्तम अगदी तोंडाला पाणी सुटेल असे लागतात.