कणकेचा गोड शिरा
साहित्य : एक वाटी भरून गव्हाची जाडसर कणिक , एक सपाट वाटी भरून साखर , अर्धी वाटी साजूक तूप , दोन कप भरून दूध , आवडीप्रमाणे सुका मेवा (काजू,बदाम,बेदाणे,चारोळया व पिस्ता यांचे काप),किसलेले बारीक सुके खोबरे
कृती : प्रथम गॅसवर एका
कढईत साजूक तूप गरम करून घ्यावे ,तूप गरम झाले कि त्यात कणिक घालावी व चांगली खरपूस वास येईपर्यंत
सोनेरी रंगावर भाजून व परतून घ्यावी.मिश्रण जास्त कोरडे वाटल्यास अजून थोडे तूप
घालावे. (कणीक योग्य प्रमाणात भाजली गेली नाही तर शिरा चिकट व गिच्च गोळा होतो व
चावही बिघडण्याची शक्यता असते, म्हणूनच जास्त भाजणे) भाजून कणिक चांगली लालसर झाली कि त्यात दोन कप
भरून दूध घालावे व लगेचच साखर घालावी व चांगले परतून घ्या व लगेचच सुका मेवा घालून पुन्हा परतून घ्या.शिरा भांड्याला
खाली चिटकू शकतो म्हणूनच सतत परतत रहावे. दूध घातल्यानंतर साधारण ५ मिनिटातच कणिक
आळायला लागते म्हणजेच समजावे कि शिरा तयार झालेला आहे लगेच गॅस बंद करून
गरमागरम शिरा सर्व्ह करावा .
No comments:
Post a Comment